Pisobid Scam Proof

Update: Mukhang sumisikat na ko sa mga alipores ni pisobid. Puro tagalog comment sa unang post ko, tagalugin ko na din at baka di nila maintindihan dito sa pangalawa, tutal malapit na linggo ng wika.

Para sa mga alipores ni Pisobid, nagresearch na naman ako at eto ang nakita kong ilang katibayan ng pangscam ninyo sa mga tao.

Scam Proof #1

Salamat kay Joshua sa hiniram kong larawan kahit di ako nagpaalam (sana po wag kang magalit kuya).

Makikita ninyo sa larawan sa taas na halos magkasunod natapos ang 2 sugal na idinaos ni Pisobid. Ito po ay nangyari noong ika-9 ng Hunyo base doon sa larawan, bago pa lang ang Pisobid. Wat a koinsidens. Ano naiisip ko dito?


Scam Proof #2
Isa sa mga lagi nilang nilalagay sa fake auction o fake bidding nila ang mga dslr camera. Bakit? Kasi mahilig ang mga pinoy ngayon dito, madaming nagpipilit na maging photographer.

Ang isang sample auction nitong Pisobid na to - http://pisobid.com/Auctions/Nikon-D5000-DSLR-Camera/831
Nakalagay na retail price: Php37,699.00
Sabi ng pisobid, nakasave daw yung kunyaring nanalo ng 99.98%
Umabot ang kunya-kunyariang bidding ng Php58.98
Yan ang babayaran nung nanalo (daw). Sino ang nakasave ng 99.98%? Wala. Ang nanalo lang dito ay si Pisobid scammer. Daming nagbid, kung 10pesos per bid, 58,980 pesos po ito mga kababayan.
Bukod pa diyan, ang retail price po ng isang Nikon D5000 ay nasa 22,000.00 na lamang. Subukan nyong tumingin sa sulit o sa ayosdito, dami niong makikita kaysa magsugal kayo sa PisoBid.

Lahat ng nakalista sa kanila ay overpriced, dapat masilip na talaga to ng DTI. Calling DTI Secretary Gregory Domingo, bantayan niyo po ang mga presyo ng bilihin dito sa website na to.

P.S.
Sabi ng mga tagapagtanggol ni Pisobid dun sa kanilang websayt, paano naman daw ang sweldo ng mga empleyado? Ang tanong ko naman, paano mo papaswelduhin ang mga bots?

Abangan po ninyo ang mga susunod ko pang rebelasyon tungkol sa Pisobid Scam. Sa next update, ang reklamo ng ilan pang naloko nila na nakipagugnayan na din sa akin. Patapos na din ang pagdidisenyo ko ng magiging opisyal na twitter page ng pisobid scam. Sundan nyo din po ako dun para sa mga iba pang rebelasyon.

Kung may proof pa kayo, email nyo na lang ako sa:
pisobidscam[at]hotmail.com
Sama-sama tayong ilabas ang katotohanan sa panglolokong ginagawa ng pisobid sa mga kapwa natin Pilipino.

هو موقع احتيال في الفلبين أن يأخذ المال من الكثير من الناس pisobid